وكالة اي ويب للاعلانات الرقمية :: 201110226664

إزاي ابدأ العمل الحر ( الخطوات العملية )

خلاص يا بطل نبدأ الخطوة الاولى في العمل كمستقل المقال ده اول الخطوات العملية احفظه عندك علشان هتحتاج له في كل مرحلة ان شاء الله يلا بينا

ازاي ابدأ العمل الحر ( الخطوات العملية – توكلنا على الله ) بشرح مفصل

احفظ هذا المقال لانك ستحتاجه حتى تتقن العمل ان شاء الله

هذا هو الدرس الثالث من دروس دليل العمل الحر. والذي سوف نتناول فيه وفي خطوات مفصلة إجابة سؤال “كيف ابدأ العمل الحر؟”.

في الدرس الأول اتكلمنا عن ما هو العمل الحر ومميزاته وتحدياته. وفي الدرس الثاني اتكلمنا عن أهم مجالات العمل الحر وأكثرها طلباً وربحية.

النهاردة بقى هنتكلم بشكل منظم عن الخطوات اللي هنبدأ بيها العمل الحر. وايه هيه الحاجات اللى هنحتاجها علشان تشتغل فعلياً في مجال العمل الحر.

اكيد انت سمعت قبل كدة عن واحد على الاقل بيقولك انه بيشتغل من خلال الإنترنت أو ما يُعرف باسم العمل الحر.

وعلشان الفكرة دي شكلها لامع ومغري من اول نظرة وهيه دي الحقيقة بالمناسبة. بس تلاقيك سألت نفسك هوه انا هبدأ اشتغل ازاي في العمل الحر ؟ ان شاء الله هنجاوب على السؤال ده بطريقة بسيطة وسهلة.

خطوات البدء في العمل الحر

1. إسأل نفسك أولاً “هل العمل الحر مناسب لي؟”

في الحقيقة العمل الحر مش مناسب للجميع. وده امر طبيعي علشان احنا بشر ومختلفون ونتعامل مع الضغوط والفرص بشكل مختلف تماماً. وكل منا ليه طموح في اتجاه معين في الحياة.


على أي حال علشان تعرف هل العمل الحر مناسب لك أنت شخصياً أم لا. لازم تسأل نفسك شوية أسئلة:

1. هل عندك القدرة على التعلم الذاتي؟ (العمل الحر بيحتاج شخص قادر على التعلم باستمرار وقادر على الوصول لـ مصادر التعلم الذاتي بنفسه).

2. هل عندك قدرة على التعامل مع عدم الاستقرار؟ (العمل الحر مش مفضل للناس اللى بيحبوا الحياة الروتينية والمرتب الثابت الآمن).

3. ليه انت عايز تشتغل عمل حر؟ هل هرباً من الوظيفة؟ ولا علشان تحسن دخلك؟ ولا علشان انت عايز تشتغل في الشيء اللي بتحبه وعند شغف تجاهه؟ (بص : الهرب سبب ضعيف. وتحسين الدخل سبب متوسط. أما الشغف فسبب قوي. على أي حال عليك فهم سببك الخاص.)

4. هل عندك الصبر والشجاعة علشان تدخل العمل الحر؟ (وفقاً لطبيعة مجتمعاتنا العربية الوظيفة آمان. ” ولسة في ناس بتقول ان فاتك الميري اتمرمغ في ترابه ” علشان كده العمل الحر عايز شجاعة. زي ما هوه محتاج لبعض الصبر لتحقيق النجاح).

5. هل عندك المقدرة على العمل لوحدك؟ (في العمل الحر أنت مدير نفسك. وعليك إدارة كل جوانب حياتك العملية بنفسك. علشان كده لازم يكون عندك القدرة على الالتزام الذاتي).

ملحوظة هامة : في حالة انك لسة مقريتش درس ما هو العمل الحر. فلازم ترجع تقراه علشان تفهم المجال ده وطبيعته ومميزاته وعيوبه. وبعدين تشوف لو كان يناسبك ولا لا.

2. إستعد بالمتطلبات الأساسية

بالطبع أي عمل بيحتاج لبعض المتطلبات الأساسية وفقاً لطبيعته. وده بينطبق برضه على العمل الحر. ولكن لحسن الحظ العمل الحر يتميز بكونه يحتاج إلى الحد الأدنى من المتطلبات. وده على عكس باقي أنواع الأعمال الأخرى.

ودي قائمة بأهم المتطلبات الأساسية اللي هتحتاجها علشان تبدأ في مجال العمل الحر:

(هنا نتحدث على متطلبات أساسية بشكل عام. ولكن لكل مجال في العمل الحر هناك متطلبات خاصة)

1. جهاز كمبيوتر

للأسف علشان تكون فري لانسر لايمكنك الاعتماد في عملك على هاتفك المحمول. ولكنك تحتاج لجهاز كمبيوتر. أو لاب توب لتنفيذ المهام الخاصه بعملك. هنا هاتفك المحمول له دور أيضاً في متابعة عملك والتواصل مع عملاءك…الخ.

ملحوظة: هناك بعض المهام التي يمكنك انجازها من خلال هاتفك الجوال. ولكنك بالطبع ستحتاج لجهاز كمبيوتر وخصوصاً لو اخترت التخصص في أحد المجالات التقنية.

2. خدمة إنترنت جيدة

تحتاج لخدمة إنترنت جيدة السرعة. وبالمستوى الذي يساعدك ولا يعيقك عن تنفيذ وتسليم مهامك.

3. وقت

بالطبع تحتاج إلى وقت مخصص لعملك كفري لانسر. في الحقيقة يمكنك استغلال أي وقت فائض لديك واستثماره في العمل الحر. ولكن التفرغ للعمل الحر يُعني مستوى آخر من الفرص والإمكانيات.

اقرأ أيضاً: أفضل طرق إدارة الوقت (من تطوير خبراء وباحثين)

3. حدد بدقة مجال العمل الحر الذي ترغب بأن تعمل فيه

دي من أهم الخطوات إن لم تكن هي نفسها الأهم. إذا كنت تتساءل عن كيفية البدء في العمل الحر. فاختيار المجال أو الفئة التي ستتخصّص بها هو طرف الخيط.

بصفتك مهتماً بمجال العمل الحر فأنت واحد من أثنين… أما لديك خبرة في أحد مجالات العمل الحر بالفعل. وتريد أن تبدأ طريقك مباشرة للدخول في سوق العمل لتقديم ما تجيد بالفعل. وحينها يمكنك تجاوز هذه النقطة.

أو أنك تريد العمل كفري لانسر. ولكنك لم تحدد مجالك أو تخصصك بعد.

في الحالة الثانية فا مجموعة النقاط دي ستساعدك على تحديد مجال العمل الحر الذي يناسبك:

قم بالعودة لدرس مجالات العمل الحر. وتعرف على أهم وأشهر مجالات العمل الحر في الوقت الحالي.

قم بعمل جلسة عصف ذهني محاولاً وضع قائمة بأهم مهاراتك وخبراتك ومعرفتك في مجال العمل.

اسأل أصدقاءك وأهلك عن أهم الأشياء التي تتميز بها ويجدونك تجيدها بشكل جيد.

قم بعمل بحث عن أهم المجالات والمتطلبات الخاصة لكل مجال. ومن ثم توصل لما هو أكثر تناسباً وظروفك الخاصة.

استمر في قراءة هذه الدروس للنهاية. وذلك لأخذ صورة كاملة عن مجال العمل الحر والدخول فيه.
الشيء الوحيد الذي يضمن لك النجاح وتحقيق الربح من العمل الحر هو أن تركّز جهودك على المجال الذي تجد نفسك قادرًا على البدء والاستمرار فيه. بل واحترافه كذلك.

سواءً كان هذا المجال مجالًا تقنيًا أو إداريًا أو إبداعيًا. عليك دائمًا التأكّد من أنّه يتوافق مع ميولك وشغفك. ويمكنك تصوّر نفسك مستمرًّا فيه. لأنه من المفترض أن تسعى على طول الخط لتطوير مهاراتك واحترافه. وربما كذلك أن تصبح الأفضل.

كيف يمكنك معرفة شغفك تجاه مجال معيّن؟

الطريق الوحيد لتعرف أي المجالات أنسب لك ولمهاراتك هو مقارنة المهارات والاحتياجات المطلوبة لكل مجال بمهاراتك أنت.

فمثلًا إذا كنت شخصًا بصريًا وتميل للإبداع والفن. فإن من الأفضل لك أن تتّجه نحو مجالات التصميم وتبتعد قليلًا عن مجالات البرمجة وتطوير الويب. والعكس (إلا إذا كنت ترغب بعكس ذلك طبعًا!).

لتسهيل هذه العملية عليك. إليك أهم المهارات الشخصية والمهنية المطلوبة في أهم 3 مجالات في العمل الحر:

1) مجال البرمجة

القدرة على فهم وتعلّم القواعد والمنطق Logic & Concept. وتطبيقها في حل المشكلات وبناء تطبيقات.
فهم أساسيات الرياضيات. خصوصًا الجبر والحساب.
القدرة على تحديد وحل المشاكل.
امتلاك حب للاستطلاع وفضول لمعرفة القواعد الأساسية خلف طريقة عمل الأشياء.
بعض من مهارات التواصل. لتحقيق التواصل الفعّال مع صاحب العمل أو المبرمجين الآخرين.
معرفة بعدد من لغات البرمجة المطلوبة في سوق العمل.

2) مجال التصميم

امتلاك حسّ من الإبداع والابتكار.
الدقة والانتباه إلى التفاصيل.
الانفتاح لتقبّل الآراء المختلفة والنقد.
قدرة على حل المشكلات. خصوصًا بشكل فنيّ.
الشغف بالفن والألوان والتنسيق الفنيّ.
الاهتمام بمتابعة الاخبار الفنية والتصاميم الرائجة.
الرغبة في تطوير المهارات. خصوصًا التقنية والتعامل مع برامج التصميم.

3) مجال التسويق

امتلاك مهارات حل المشكلات وسرعة اتخاذ القرار.
الخبرة التقنية بأدوات وبرامج التسويق. أو امتلاك قدرة على التعامل معها.
القدرة على الكتابة والتواصل بفعالية.
امتلاك مهارات العمل في فريق.
المرونة في التعامل مع الضغوط والمواقف المختلفة.
القدرة على التفاوض واستيعاب العملاء.

هل تجد شيئًا يناسبك؟

إذا كانت الإجابة نعم. وكنت تجد نفسك موفّيًا لأغلب أو كل هذه الصفات في مجال ما. فربما هو المجال المنشود.

اقرأ أيضاً: أهم المجالات المطلوبة في سوق العمل على الإنترنت

حدّد مدى قيمة المجال الذي تود تعلمه

ممكن تقولي عدد المرات اللى اتعلمت فيها حاجة ( خصوصاً في التعليم المدرسي او الجامعي ) وبعد ما خلصت امتحانات نسيت كل اللى اتعلمته ؟

السبب ببساطة اننا مش بنتعلم اي حاجة الا اذا كانت بمثل لنا معنى او قيمة معينة او لينا هدف منها. علشان كدة هتلاقي كتير مننا بعد ما درسوا الانجليزي فترات طويلة او سنين. لا يزالوا غير قادرين على التحدُّث بها.

وده سببه اننا كل بنتعلم علشان ننجح في الامتحان وخلاص من بنتعلم فعلا.

طيب تمام ممكن افهم ايه قيمة اللى بنتعلمه ده هنا ؟ بص يا سيدي صلي على النبي ( اللهم صلى على نبينا محمد )
قيمة اللي بنتعلمه هنا بيتمثل في حاجتين:

الأولى:

في حالة العمل الحر, خليك حاطط في بالك وتذكّر دايماً انت ليه بدأت كل شيء على الإطلاق. هل علشان يبقى عندك الحرّية الماليّة من تبعية الوظيفة او الاحتياج المالي ؟ ولا علشان ريحك جداً المرونة في أوقات العمل؟ ولا علشان تمتلك وظيفة أحلامك عوضًا عن مجال دراستك اللي مش بتحبه اساساً؟ ولا علشان مجرد المرح؟

كل هذه الأسباب لازم تحطها قدام عينيك في كل خطوة هتخطيها. وكمان في كل مرة تفكّر أن تفرّط في سعيك لهدفك.

علشان كده تعلمك المجال ده. سواءاً كان تصميم أو برمجة أو تسويق أو غيره. هينبني لك مستقبل أفضل. وضغط عمل أقل. والدوافع والأسباب انت اللى هتحطها.

عايزك دلوقتي تجيب ورقة وقلم وتكتب قايمة بكل المميّزات اللي انت متوقعها من العمل الحر. حطها قدامك قدامك طول الوقت. ده هيساعدك كثيراً في عملية التعلم.

الثانية:

في مجالك نفسه – ولنفترض انه البرمجة مثلاً -لازم تعرّف ايه أساسيات الشغل اللي المفروض انك تعرفها ومينفعش انك تجهلها خالص يعني لا يسعك جهلها.

اساسيات لازم تعرفها وتبقى ملم بيها كويس زي منطق البرمجة ككل مثلا (Concept) او اهم لغات البرمجة او اكثر البرامج او التطبيقات شيوعاً وطلباً وهكذا..

الفهم ده هيخليك تركز جهودك على الأهم فالمهم. وبكده مش هتضيع وقتك ولا مجهودك بل هتحسن استثمارهم في اللى يستاهل فعلاً . وكده يزداد الاتقان وهتتجنّب انك تشغل نفسك بما لا فائدة منه.

ودلوقتي يمكن انت لسة بتتساءل ازاي استغل المجال ده وابدأ في العمل الحر؟ بص يا سيدي الاجابة ببساطة في الخطوات التالية.

4. لما تيجي تتعلم تعلّم من مصادر موثوقة.

يعني المصدر الموثوق هو الطريق المختصر علشان تتعلم مجالك المستهدف بشكل صحيح. والروابط اللي هنزلها هنا بعد كده ان شاء الله هتكون ايه هيه المصادر دي :

أفضل 10 كورسات على منصة Udemy (لتأهيلك لسوق العمل)

ما هو الـ IT وما هي تخصصاته وكيف تبدأ به (دليل شامل)

أفضل 11 كورس ديجيتال ماركتنج (دليلك لتعلم التسويق الرقمي)

أفضل دورات يوديمي في التسويق الرقمي (دليلك الموثوق)

أفضل دورات تعلم تصميم الجرافيك على منصة يودمي

أفضل مواقع كورسات اون لاين (دليلك لتعلم أي شيء)

كيف تصل إلى كورسات مجانية في أي تخصص تريد

بص عايز اقولك على حاجة . صعوبة عملية التعلم عمرها ما كانت في ايجاد المصادر. الانترنت دلوقتي مليان مصادر وكورسات موثوقة. ممكن تعتمد عليها في عملية التعلم.

في الحقيقة الصعوبة الحقيقية – معلش صدقني في الكلمتين دول – في قدرتك أنت على الالتزام الذاتي !! والاستمرار في التعلم لحد ما توصل للي انت عايزه.

ودي بعض النقط اللي هتساعدك في مرحلة التعلم في طريقك للبدء في العمل الحر:

* تعلم من المصادر المجانية أولاً. وابدأ جمع المعلومات وأفهم المجال من خلال المقالات المكتوبة وفيديوهات اليوتيوب.
* قم بتطبيق أي شيء تتعلمه.
* حاول ايجاد صديق أو زميل لخوض تجربة التعلم سوياً.
* قم بالمشاركة في المجموعات المتخصصة على السوشيال ميديا في المجال الذي تود تعلمه.
* خليك صبور , تذكر أن عملية التعلم بتحتاج لبعض الوقت. وعلشان كده خليك صبور.
* حتى الكورسات السيئة هتتعلم منها ولو حاجة واحدة على الأقل جديدة عليك. وعلشان كده اوعى تندم على أي تجربة تعلم انت عملتها.
* حط خطّة تعلّم ذكية وواضحة. انا عايز اقولك على سر . الحاجة الوحيدة المشتركة في خبراء المجالات كلهم هو أنّهم لما بدأوا. ما كانوش ماشيين بعشوائية إنما عملوا خطةً محكمة هي اللي انتهت بهم في الوضع اللى انت شايفه عليهم دلوقتي.

هل تذكر سمات الأهداف الذكيّة؟ فاكر الموضوع ده ولا لا ؟

المدرّبون بيختصروا السّمات أو الخصائص دي في كلمة SMART. بحيث ان كل حرف بيرمز إلى كلمة مهمة. كالآتي:

S – Specific
(أن يكون الهدف محدّدًا وواضحًا)

حدّد الهدف بوضوح. ومتخليش هدفك عايز ( زي ما ترسي دقلها !! ) . وليكن -على سبيل المثال- أن تتعلّم أساسيات تصميم بطاقة عمل على برنامج الاليستريتور (وهو أحد أشهر برامج التصميم).

M – Measurable
(أن يكون الهدف قابلًا للقياس) يعني لازم يكون الهدف ده اقدر اقيسه بالظبط.

مينفعش تحط هدفً ليك انت مش عارف تحدد انت حققته ولا لأ . وفي المثال بتاع تصميم البطاقة. هسيكون معيار القياس هنا أنك بقيت تعرف تصمم بطاقة عمل جذّابة أو أكثر. طبعاً بطاقة عمل يعني بزنس كارت او الكرت اللى بيقدمه الناس علشان يتعرفوا على بعض 🙂

وكمان بلا تحط هدف متعرفش تحكم فيه على نفسك إذا كنت حقّقته ولا لأ. مثلا وليكن هدفك أنك تكون محترف في استخدام برامج التصميم. وعلى الرغم من أنه هدف نبيل بالطبع. بس طريقة قياسك هتكون غلط. لأنه مفيش تعريف واضح ومتفق عليه لاحتراف البرامج. دي حقيقة بالمناسبة.

لكن ممكن يكون الهدف مثلًا أنك تصبح قادر على استخدام أدوات برامج التصميم بفعالية. وأنك تفهم طريقة عملها وتوظّفها بشكل صحيح علشان تعمل تصاميم بارعة.

A – Achievable
(أن يكون الهدف ممكنًا وقابلًا للتحقيق)

لازم يكون هدفك ممكن يتحقق خصوصًا فيما يتعلّق بالوقت والمجهود المبذول. متحطش لنفسك هدف وانت عارف كويس انك لا تملك الوقت أو الموارد التي تمكّنك من تنفيذه. وبالتالي ممكن يصيبك الإحباط بمجرد ما تبدأ.

وكذلك. الهدف الممكن هو الهدف اللى ممكن تحدد ملامحه. يعني لا مينفعش يبقى هدفك أنك تكون أشهر مسوّق رقمي في العالم. ويكون ده هدفك اللي هتبدأ به الرحلة.

بالطبع من الجيّد أن تكون طموحًا. لكن في فرق بين الطموح والرؤية. والهدف اللحظي.

أنك تحط هدف قابل للتحقيق هيخلي عملية التعلّم تجربة ناجحة. وليكن مثلا ان يكون هدفك أنك تكون قادر على أن تحصل على مهمتك الأولى أو تبدأ في العمل الحر كمسوّق رقميّ.

R – Realistic
(أن يكون الهدف واقعيًا)

اوعى تحط هدف حالم متطرّف خاصة لو كنت لسة باديء في اي مجال. يعني مثلا متخليش اول هدف ليك انك تصمّم هوية بصرية لعلامة تجارية وأنت مش عارف تنزل او تسطب مثلا برنامج الفوتوشوب.

دائمًا ابدأ بالاهداف الصغيرة اللى ممكن تنفذها في وقت مناسب. كلما كان الهدف بسيط وواقعي. كلما استطعت أنك تستمر. ووالله العظيم ثلاثة انت ما هتصدق ازاي الانتصارات الصغيرة دي هتأثر عليك . والله.

T – Timely (أن يكون الهدف محدّدًا بإطار زمنيّ) يعني يكون له وقت محدد

وهنا بقى مربط الفرس. اوعى ثم اوعى ثم اوعى تحط هدف مش محكومٍ بوقت لسببين:
الاول :أنك إذا بدأت في إنجازه. فإنّك يإما هتاخد وقت أكثر أو أقل من اللازم.
الثاني : أنه من المرجح انك مش هتاخذه على محمل الجد. وبالتالي هتستمرّ في التأجيل والتسويف ربما إلى الأبد.

بص يا سيدي المفروض انك هتعد وتدرس رؤوس الأقلام الأكثر أهميّة في المجال اللى انت مستهدفه. انت ممكن تسأل وتبحث في المصادر الموثوقة عن المدّة التقديرية لفهم أساسيات كل قسم. وبعدين المدّة اللازمة للممارسة الكافية للمبتدئين. ماشي ؟
ومفيش مانع انك تسألني مثلا او اي حد تتوسم فيه المعرفة علشان يدلك على الموضوع ده ان شاء الله.

خد بالك مفيش حاجة اسمها إجابة موحّدة لكل قسم. ناهيك ان يكون فيه اجابة موحدة عن كل مجال. فا متخليش هدفك يتبني على الاجابات دي. لكن انت ممكن تستخدمها كمصدر مرجعيّ للتوقيت اللي هتحطه لهدفك.

مثلًا إذا كانت اقتراحات الخبراء تقول بأنك هتحتاج شهرًا ونصف لفهم أساسيات لغة HTML. فمينفعش أنك تحط لها مدة اسبوعين علشان تتعلّمها. ولكن ممكن أنك تحط مدة شهرين. وبكده هتمتلك وقت أكبر للفهم والدراسة بروية. وكمان الممارسة لوقت أفضل. مما يعني مهارة أعلى.

5. إعرف مين هم عملاءك.

بص بقى النقطة دي مهمة جداً .بل في غاية الاهمية في طريقك في البدء في العمل الحر. وإذا استطعت التعامل معاها بذكاء هتقدر توفر لك جامد في مشوار نجاحك في العمل الحر.

إذا عرفت مين هما عملاءك المحتملين. فده هيمكنك من البحث وجمع المعلومات عنهم. وبالتالي هيبقى سهل عليك الوصول ليهم.

يمكن بعض الناس تفتكر ان النقطة دي بديهية وده حقيقي. بس علشان هيه بديهية ففيه ناس كتيرة من اللي ميشتغلوا في مجال العمل الحر ما بيتعاملوش معها بوعي وذكاء.

الوعي والتركيز هنا بيتمثل في فهم طبيعة العميل وأهمية العمل بالنسبة له. وطريقة تفكيره. ومحاولة الوصول للمكان اللي بيتواجد فيه.

الخلاصة هنا أنك لما بتكون أفكار ومعلومات كويسة حول طبيعة عملاءك. وتركز في المعلومات دي كويس. فا ده هيمكنك من
أولاً من الوصول لهم.
ثانياً سيمكنك من التعامل معهم بصورة احترافية وأكثر كفاءة.

اقرأ أيضاً: كيف تحصل كفري لانسر على عروض عمل أكثر

6. اُطلب نصيحة الخبراء

مفيش حد اكبر من التعلّم. وأسهل طريق تحترف به أي حاجة انك تسأل شخص في المكان اللى انت عايز توصل له . بالمناسبة هما برضه سألوا «كيف أبدأ العمل الحر؟» قبلك. وسلكوا نفس الطريق.

اللي سبقوك في مجال ما هما مَن يعرفون بالضبط معاناة أن تكون مبتدئًا وغير قادر على فهم أي شيء أو رؤية الهدف بشكلٍ واضح. بل هما كمان هيتفهّموا الملل والشك اللى ممكن يصيبك في نص الطريق.

هيكون عندهم إجابات لكل الأسئلة اللي مالية دماغك عن ازاي ابدأ . وازاي اجيب شغل. وازاي انجز المهام وايه هيه الطرق المختصرة -الصحيحة- كلها.

ولحسن الحظ. في العادةً الناس دي بيبقوا عايزين يعلموا غيرهم من المبتدئين وعايزين يساعدوهم ويقدموا يد العون ليهم . لأنهم برضه بدؤوا زيهم واكيد لقوا حد ساعدهم قبل كده. او على الاقل متفهمين المعاناة اللى بتحصل للمبتدأ.

وانا عايز اطمنك على الاخر. في هناك مجتمعات لا حصر لها تضمّ محترفين وخبراء من كل مجال على منصّات التواصل الاجتماعي والمنتديات الإلكترونيّة. سواءً ناطقين باللغة العربية أو غيرها.

زُر مواقع التواصل الاجتماعي وقم بعملية بحث صغيرة وهتلاقي مئات المجموعات المليئة بمَن يمكنهم الإجابة عن اسئلتك ومنحك خريطة طريق أوضح وأكثر فعالية. وهيكونوا هما الدليل على نجاحها.

7. إكتشف أهم المهارت والأدوات اللي هتحتاجها واعمل على تطويرها

في مجموعة من المهارات العامة اللي لازم كل فري لانسر يمتلاكها. واللي لازم عليك أنك تحاول تتعلمها وتعمل على تطويرها باستمرار.

ان شاء الله فيه درس مستقل سوف نتناول فيه أهم مهارات العمل الحر.

من ناحية تانية لازم انك تكتشف أهم المهارات الخاصة التي هتحتاجها وفقاً للمجال اللي عاوز تتخصص فيه. ده هتفهمه خلال رحلة التعلم الخاصة بك.

وممكن كمان البحث في النقطة دي بشكل مستقل وفقاً للمجال اللي عاوز تخصص فيه. فمثلاً في حالة اختيارك التسويق الإلكتروني. فا ممكن تبحث عن مهارات التسويق الإلكتروني اللى لازم تكون متوفرة في كل مسوق محترف.

الأدوات أيضاً عنصر في غاية الأهمية في العمل الحر. وهي بتلعب دور كبير في نجاح عملك كفري لانسر. الأدوات زيها زي المهارات فهي تنقسم إلى أدوات عامة على كل فري لانسر امتلاكها. وأدوات أخرى خاصة وفقاً للمجال أو التخصص.

أدوات العمل الحر في الغالب هتكون عبارة عن برامج وتطبيقات هتسهل العمل وتوفر الوقت. في برضه درس خاص عن أهم أدوات العمل الحر في المقالات.

8. مارس باستمرار

مش مهم ايه اللى انت بتحاول تتعلّمه. سواء كان المجال تقنيًا أو إبداعيًا أو كلاهما. دايمًا ثبت المعلومات اللى بتتعلمها بالممارسة.

يعني مش تتعلم لمجرد التعلم عايزك تنفّذه بإيديك على قد ما ربنا يقدرك. سواءً كان تصميم صغير أو أكواد علشان تعمل تطبيق بسيط أو جزء من إعلان بتحاول كتابته أو أي حاجة ممكنة تانية.

انت ممكن تبدأ من الصفر أو قبله حتّى. وبعدين هتكتشف انك بتكرّر أخطاء معينة. وبعدين هتعيد الممارسة علشان تتفادى الأخطاء وللتركيز على النقاط الحسنة. كل الأمور دي ستخليك أكثر حرفية ومهارة في المجال اللي هتشتغله.

كل ما تقدر. اعرض شغلك وعملك ومشروعاتك المنفّذة الصغيرة على الخبراء والمحترفين واطلب منهم أنهم يقولوا رأيهم او ينتقدوا شغلك. اوعى تزعل اطلاقاً. ومتخدش النقد بشكلٍ شخصيّ. الجميع بدأوا من نقطة ما.

خذ الاقتراحات دي واعمل على تنفيذها متفاديًا الأخطاء السابقة. حاول تضيف او تدمج بعض الأفكار الجديدة. علشان تقدر تنفذ المشروع بطريقتك الخاصة. وتقبل الخطأ واستفيد منه.

خليك فاكر أن الأشخاص اللي بيتعلّموا بالممارسة دايماً بيتعلموا أكثر من اللى بيتعلموه من غيرهم.

9. إصنع نظاما لسير العمل والتزم به دائماً

واحدة من النقط المهمة جداً في بداية طريقك في العمل الحر. هي وضع خطة لسير العمل. العمل الحر له طبيعة خاصة. مفيش هناك مدير يراقبك. علشان كده انت لازم تكون مدير نفسك. وده لا يمكن يحصل ابداً من غير وضع خطة واضحة لنظام عملك.

و النقط دي ضروري تحطها في خطتك:

* تحديد أيام العمل خلال الأسبوع واليوم أو اليومين الأجازة. وتحديد ساعات العمل اليومية.
* تحديد الحد الأقصى والحد الأدنى لميعاد تسليم المهام من تاريخ التعاقد.
* وضع خطة للدراسة والتعلم من أجل رفع مستوى الكفاءة.
* تحديد أوقات للتواصل والتواجد في المجتمعات الخاصة بمجال تخصصك.

10. إبن دائرة علاقات

الخطوة دي – زي غيرها – مش بتتبني في يوم وليلة. هتحتاج نفسٍ طويل واستثمار ذكي لجهودك في المكان الصح.

دائرة العلاقات – Network دي مجموعة المعارف اللي معرفتهم تقوم على الإفادة والاستفادة. سواءً من الناحية الاجتماعية أو المهنية أو الشخصيّة.

وعلشان تبدأ في مجال العمل الحر. مهم جداً أنك تحط أحجار أساس لتشكيل دوائر علاقاتك. واللي بها هتتمكّن من التسويق لنفسك ولخدماتك المستقلّة.

طبعاً انت ممكن يجيلك فرص للعمل الحر من غير بناء دائرة علاقات. وأنك تقدم خدماتك لغرباء تمامًا. لكن الذكاء يكمن في بناء علاقة قوية بينك وبين الغرباء دول ولازم تبقى قائمة على الثقة والتقدير. حينها هتضمن عودتهم إليك للاستفادة من خدماتك كلّما كانوا بحاجة إليها.

طبعاً لا يمكننا الحديث عن دائرة العلاقات دون الحديث عن لينكد إن! وإذا كنت لا تعرف السبب. فلعلك تودّ قراءة المقال ( 9 أسباب تحتم عليك الوجود على لينكدإن ).

لينكد إن هو موقع سوشيال ميديا متخصص في المجال العملي والمهني. لذلك بالنسبة لك كمستقل فهو واحد من أهم قنوات التواصل وايجاد الفرص على الاطلاق. التواجد على موقع لينكد إن بحساب احترافي هو خطوة في غاية الأهمية.

ان شاء الله هنقوم بعمل سلسلة مقالات خاصة بكيفية العمل على موقع لينكد ان وهي كالتالي :

كيفية إنشاء حساب لينكد إن
شرح LinkedIn
كل ما تود معرفته عن مجموعات لينكد إن
نوصي بقراءة الموضوعات بالأعلى بعناية فهي في غاية الأهمية لك.

ان شاء الله لازم تبدأ غداً مبكراً بإنشاء حسابًا شخصيًا لك على لينكد إن. ولازم الحساب ده يكون شيك وانيق وكمان يظهر بشكل جديّ واحترافي. لازم تستخدم صورةً شخصيّة مهندمة. وتكتب توصيفًا شخصيًا يوضّح طموحك وسعيك لاحتراف مجال تخصصك. والمهارات الشخصية والمهنية الليي بتملكها. بالإضافة للمهارات التقنيّة المتعلّقة بالمجال نفسه.

طبعاً لازم تبعت دعوات إلى الخبراء والمحترفين في المجال المستهدف واللي عايز تتخصّص فيه. وضّح في الدعوة الإضافة أنك تملك طموحًا باحتراف المجال المشترك. وعايز تتواصل معاهم أو متابعتهم للاستفادة من خبراتهم ومحتواهم.

في نفس الوقت. وسّع دايرة إضافاتك وتواصل مع العملاء المحتملين في المجال المستهدف. اللي هما بيهمهم الحصول على الخدمات اللي هتقدمها. زي أصحاب المشاريع والشركات مثلًا.

اسع دائمًا الى نشر محتوىً ذا قيمة يظهرك بشكل احترافي. مثلًا:

آخر ستة اتّجاهات شائعة في المجال المستهدف. وممكن تضيف تحليلك الشخصيّ ورأيك فيها.
أعمال مميّزة نفّذها المتقدّمون في المجال. ووضّح لمَ تجده عملًا ناجحًا.
آخر الأخبار الرائجة وعلاقتها بالمجال -إن وجد.
المشاريع والمهام التي نفّذتها حتى لو كانت صغيرة
وليكن لك حضور وتفاعل مميّز مع دائرة علاقاتك قائم على الاحترام والمناقشة البنّاءة.
يمكنك عمل الشيء ذاته على بقيّة المنصّات مثل فيسبوك وانستجرام وتويتر وحتى المدوّنات الإلكترونيّة.

11. قم بإنشاء حسابات على منصات العمل الحر

منصات العمل الحر هي عبارة عن مواقع متخصصة تعمل بمثابة وسيط بين مقدمي الخدمات وطالبيها. بكونك فري لانسر يمكنك التسجيل بها كمقدم خدمات. وسوف تسمح لك ببناء حساب به الكثير من التفاصيل حول ما تقدم من أعمال.

هناك الكثير من منصات العمل الحر. منها المتخصصة في مجالات بعينها ومنها العامة. لحسن الحظ أن هناك منصات عربية للعمل الحر.

سوف نقوم بتناول كل شيء حول منصات العمل الحر في درس قادم.

اقرأ أيضاً: 3 جوانب أساسية لضمان نجاحك كمستقل على مواقع العمل الحر

12. قم ببناء البورتفوليو أو معرض الأعمال الخاص بك

تنبع أهمية بناء البورتفوليو أو معرض الأعمال. من أن أي شخص يريد أن يعمل معك. يجب أن يرى بعض من نماذج أعمالك السابقة أولًا. وذلك حتى يتأكد من أنك الشخص المناسب لهذه المهمة.

البورتفوليو يمثل الواجهة الخاصة بك. والتي من خلالها يستطيع عملاءك التعرف على أعمالك وتقييمك بناءاً عليها.

بالنسبة لك كفري لانسر مبتديء ربما لا يكون لديك أعمال سابقة لعرضها. في هذه الحالة عليك أيضاً بعمل نماذج لأعمالك خصيصاً لعرضها في البورتفوليو.

هناك درس كامل خاص بالبورتفوليو في هذا الدليل. والذي به ستجد كل ما تحتاجه لبناء بورتفوليو احترافي.

13. قم بالدخول في سوق العمل

بص هوه ممكن خطواتك الأولى مشوشة شوية. بس بسرعة هتقدر تمشي في الاتجاه الصح في النهاية. ووقتها الامور هترتب نفسها بنفسها . ومع بدايتك ان شاء الله هتحصل على الحرّية المالية ويمكن كمان الحرية الشخصية اللى كان نفسك فيها.

ودي بعض النصايح اللي هتساعدك انك تنجح وتثبت رجليك في سوق العمل الحر:

1) خليك حريص وقدم أفضل خدمة ممكنة لعملائك

حط الجودة دايماً على رأس القائمة. متسلمش العميل مشروع الا وانت واثق انك حطيت فيه افضل شيء ممكن تعمله إلا إذا كانت هناك اعتبارات أخرى. الجودة والتميّز هي اهم حاجة هتخلي العميل يرجع لك كل مرّة.

2) حط جدولًا زمنيًا والتزم به

من العيوب الشائعة في العمل الحر هو أنك ممكن تفقد السيطرة على جدولك ووقتك. فإمّا أنك هتسوّف أكثر من اللازم أو أنك هتضغط نفسك أكثر من اللازم.

لازم تلتزم بضبط كل مهمة بجدول زمني معقول يحكمها. ممكن متقدرش تقدر الوقت بشكل صحيح في البداية. لكن مع الوقت والممارسة هتتمكّن من تحديد مدّة كافية لكل مشروع. والأهم. الإلتزام بها.

3) خليك حريص على مصلحة العميل أكثر من العائد المادي

خصوصًا في بداية تعاملك معه. خليه يرى أنك حريص على العمل ونجاح المشروع مثله تمامًا. وأنّك تحاول مساعدته على الوصول لهذا النجاح.

وليظهر ذلك في قيامك ببحث واف عن السوق والشركة أو المشروع واحتياجاته والمنافسة التي هو بصددها. هذا سيمنحك فكرةً أوسع عن أفضل خدمة يمكنك تقديمها أو مناقشته فيها.

انظر إلى هذه الخطوة كاستثمار طويل الأجل. كلما ابديت للعميل حرصك واهتمامك الصادق على نجاح مشروعه ونجاحه هو شخصيًا. كلما تضاعفت احتماليّة عودته لك مرة أخرى مستقبلًا أو ترشيحك لدوائر علاقاته.

4) قدّم خدمات ما بعد التسليم

تحرّك كأنك شركة كبيرة تهتم بتجربة عملائها معها كما تهتم بجودة خدماتها بالضبط. تواصل مع العميل بعد التسليم واسأله عن رأيه وكفاءة المشروع حتى الآن. إذا كنت تمتلك مدونةً أو عروضًا أو خصومات ما لأجله. أعلِمه بها.

اقرأ أيضاً:

15 نصيحة لكل مستقل مبتديء (لتحقيق النجاح وتحسين العائد)
كيف تصبح فري لانسر ناجح (عوامل خارجية وداخلية ونصائح فعالة)

والآن.. الف مبروك !

كد احنا جاوبنا على الجزء الاكثر اهمية من سؤالك : «كيف أبدأ العمل الحر؟». وهو المعرفة. الباقي والمراحل المتقدمة هتعتمد بشكل كبير على جديّتك وحدها. واوعدك ان شاء الله ان هتشكر نفسك كمان سنة من دلوقتي لو بدأت النهاردة.

خليك فاكر بس حاجة مهمة بتخلي الانسان ينجح دائماً انه خد الخطوة الاولى واستمر عليها لحد ما وصل .
دلوقتي قولي في التعليقات يا بطل … هل هتكون واحد مننا ؟

close

شارك المقال على ....

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جدول المحتويات

الكلمات الدليلية
افضل مجالات الفريلانسر (6) افضل مواقع العمل الحر (3) افضل مواقع العمل الحر على الانترنت (3) افكار عمل حر (3) التسجيل في العمل الحر (3) التنمية الاجتماعية العمل الحر (4) العمل الحر (3) العمل الحر اسر منتجه (3) العمل الحر توصيل طلبات (3) العمل الحر عبر الانترنت (4) العمل الحر نفاذ (3) الفريلانس (3) برنامج العمل الحر (3) بطاقة العمل الحر (3) ترك الوظيفة والعمل الحر (3) تسجيل العمل الحر (3) تعريف العمل الحر (3) تعلم الفري لانسر (5) تقديم العمل الحر (3) رخصة العمل الحر (3) رخصه عمل حر (3) رقم العمل الحر (3) ريف العمل الحر (3) شهاده اسر منتجه عمل حر (3) فري لانسر عربي (3) كتابة المحتوى (3) ماهو العمل الحر (3) مجالات freelancer (5) مجالات العمل الحر على الإنترنت (6) مجالات الفريلانس (5) مجالات الفريلانسر (6) مجالات عمل الفري لانسر (6) مستقل للعمل الحر (3) مميزات العمل الحر (3) منصة الاعمال الحرة (3) منصة العمل الحر (3) منصة العمل الحر نفاذ (3) منصة حر (3) مواقع العمل الحر العربية (3) مواقع شغل فري لانسر (3) مواقع فري لانسر عربية (3) مواقع فري لانسر للمبتدئين (3) موقع فري لانسر (3) موقع فري لانسر عربي (3) موقع مستقل للعمل الحر (3)