وكالة اي ويب للاعلانات الرقمية :: 201110226664

أهم مجالات العمل الحر وايه هيه المصادر اللي تتعلم منها

طبعاً انت عندك شغف دلوقتي تعرف ايه هيه مجالات العمل الحر اللى موجود في السوق. وعايز تعرف ايه المناسب ليك ومنين تتعلم المجالات دي؟ تعالى ...

ايه هيه أهم مجالات العمل الحر وازاي افدر اتعلمها

مجالات العمل الحر

المقال ده هعرفك ايه المجالات اللي ممكن تتخصص فيها في العمل الحر . المقالات دي سلسلة من الدليل الشامل للعمل الحر هيحولك في فترة قصيرة لواحد شغال في العمل الحر سواءاً كنت موظف او بتدور على شغل لسة . تابع المجموعة دي بعناية علشان هقولك ازاي تعمل شغل وانت في البيت بسهولة من خلال جهاز الكمبيوتر والانترنت. حلال ومضمون وربنا يبارك لك فيه ان شاء الله . تابعني وانشر المقال في كل مكان يكون صدقة لينا احنا الاثنين.

المقال منقول بتصرف عن الكاتب مجدي كميل

في البداية انا عايز اوضح لك ان في مجالات بالفعل بيكون عليها طلب جامد مقارنةً بمجالات أخرى. ده إلى جانب أنها بترتبط بالإنترنت والتكنولوجيا الحديثة بشكل أكثر صلة.

علشان كده وعلى الرغم من أننا بنشجع دائماً اختيار المجال وفقاً للشغف والاهتمام. إلا أننا هنا هنستعرض أهم مجالات العمل الحر. اللى عليها طلب جامد واللي ينمو بشكل كبير في الوطن العربي ويمكن من خلالها تحقيق المزيد من الأموال.

الدرس ده مخصص للناس اللى عايزة تعرف أهم مجالات العمل الحر. وعندهم القدرة على تعلم شيئ جديد علشان يحسنوا حياتهم كمستقلين.

أهم وأشهر مجالات العمل الحر الأكثر طلباً

1. مجال البرمجة (Programming)

عالم البرمجة هو بالحرف الواحد عالم السحر والإبداع والإبتكار. واللي من خلاله ممكن تحول الأفكار إلى نماذج ومشروعات مبتكرة. وهو واحد من أكثر مجالات العمل الحر التي تدر ربحاً على صاحبها. متوسط الدفع في المجال ده كبير نسبياً. وبالخبرة والمثابرة ممكن توصل لأرقام فلكية او تكون من اصحاب الملايين وخصوصاً لو تمكنت من المشاركة في مشاريع كبيرة.

وعلشان تبقى عارف. الطلب على المبرمجين بيزيد كل يوم بشكل كبير . وفي منطقتنا العربية في طلب متزايد على المبرمجين. وده سببه بيرجع علشان نمو وازدهار عالم الويب وتطبيقات الهواتف الذكية.

اكيد الكلام ده ممكن يكون بيدور في ذهنك دلوقتي (” انا معنديش اي فكرة عن البرمجة اساساً “)
بص يا سيدي – صلي على النبي – صلى الله عليه وسلم
البرمجة في تعريفها البسيط هي علم وتكنولوجيا يمكن من خلالها صناعة منصات وبرامج وتطبيقات وواجهات بهدف حل مشكلة أو عرض بيانات أو اتمام مهام معينة.

عملية البرمجة بتتم من خلال بناء ملفات تحتوي على أكواد ذكية لتحديد الشكل والخواص الخاصة بالمشروع. وللبرمجة لغات متعددة. وكل لغة يتم استخدامها في تخصصات محددة.

البرمجة مجال كبير جداً ومليان تخصصات فرعية كتيرة جداً .و اللغات برمجية متخصصة كتير. بس بما أننا هنتكلم عن العمل الحر هنا. فا إحنا ممكن نحصر التخصصات البرمجية في 4 مجالات فرعية. وهي الأهم والأكثر طلباً في العمل الحر: ( ركز بقى يا جميل دلوقتي )

* تطوير مواقع الويب (البرمجة اللي ممكن من خلالها نبني خواص ومميزات ووظائف مواقع الويب).
* تطوير تطبيقات الهواتف الذكية (البرمجة الي ممكن من خلالها بناء تطبيق للهواتف الذكية).
* تطوير ألعاب الهواتف الذكية (الألعاب في تعريفها البسيط هي تطبيقات برضه. وممكن نضمها تحت مجال تطبيقات الهاتف. بس علشان المجال ده مزدهر قوي. ففيه طلب كبير على متخصصي تطوير ألعاب الهواتف الذكية. وممكن تصنيفها كمجال قائم بذاته).
* تطوير برامج الكمبيوتر (البرمجة اللي ممكن من خلالها بناء برامج للكمبيوتر. وتشمل أيضاً البرامج التجارية المستخدمة لإدارة المبيعات والمخزون).
احنا ممكن كمان نصنف التخصصات البرمجية وفقاً للغات البرمجية المستخدمة. وفي الحقيقة التصنيف ده هيكون أكثر دقة واحترافية.

ودي قائمة صغيرة بأهم اللغات البرمجية المطلوبة في سوق العمل:

HTML
(هي اللغة البرمجية الأساسية المستخدمة في صفحات الويب لتنسيق ظهور النصوص والصور. البعض لا يصنفها على كونها لغة برمجة. وذلك لأنها تعد البنيان الأساسي. الذي يتحتم وجوده في أي موقع ويب.)

PHP
(هي لغة برمجية مفتوحة المصدر لإنشاء صفحات الويب الديناميكية التي تعمل مع قواعد البيانات.)

Java
(هي لغة برمجية لها الكثير من الاستخدامات العامة. وهي اللغة الأساسية المستخدمة في تطبيقات نظام التشغل Android.)

Swift
(هي لغة برمجية مفتوحة المصدر خاصة بشركة آبل. وهي اللغة الأساسية المستخدمة في تطبيقات نظام التشغيل IOS و OS X.)

Python
(لغة برمجية متقدمة تستخدم في الكثير من الأغراض الخاصة والمتقدمة. مثل إدارة محتوى المؤسسات العلمية والتكنولوجية. يتم استخدامها من قبل جوجل ويوتيوب ووكالة ناسا للفضاء.)

JavaScript
(هي لغة برمجية من نوع خاص حيث يتم اجراءها عملياتها (Running) داخل متصفح المستخدم وفي جهاز الكمبيوتر خاصته. من خلال أوامر معدة مسبقاً من مطورها. تستخدم لتطوير العاب الفيديو.)

++C (تستخدم لتطوير برامج الكمبيوتر.)

SQL (هي لغة برمجية لإدارة المحتوى في قواعد البيانات.)

للحصول على قائمة شاملة ومفصلة بأهم لغات البرمجة فعليك العودة لمقالنا في الرابط بألأسفل:

أشهر لغات البرمجة وأهم استخداماتها (دليل شامل ومبسط)

2. مجال تصميم واجهات الويب والبرامج والتطبيقات (Web Design & App Design)

وده كمان واحد من أهم مجالات العمل الحر. وبالمناسبة المجال ده يعمل جنباً إلى جنب مع المجال السابق. مثلا لما تيجي تبص لأي موقع أو تطبيق هتلاقي أن عنده واجهة مميزة من صور وألوان وخطوط…الخ. الواجهة دي وكل اللي فيها من اشكال والوان وخطوط ومحسنات بصرية وتأثيرات قدام المستخدم هي من اختصاص المصمم.

علشان متشعرش ببعض التشتت خليني أوضح لك الفرق بشكل مبسط بين ( مصمم الويب ) و ( مبرمج الويب ) كمثال:

مصمم الويب:
يقوم بعمل كل ما هو مرئي أمام المستخدم من ألوان وتقسيم للمساحات. واختيار للخطوط المستخدمة. والصور واحجامها.. الخ.

مبرمج الويب:
يقوم بعمل البرمجة التي تجعل الموقع يقوم بمهام وخواص معينة عندما يتفاعل معه المستخدم بشكل معين.

مثال:
لما واحد يضغط على زر الاعجاب لصورة من صورك على فيسبوك. فهنا البرمجة هي المسئولة عن وصول الاشعار ليك. أما شكل أيقونة الإشعارات واللون الأحمر اللى بيظهر الاشعار فهو خاص بالتصميم.

3. مجال تصميم الجرافيك (Graphic Design)

“الصورة تساوي ألف كلمة”. المقولة دي حقيقية مائة في المائة ومنها تنبع أهمية تصميمات الجرافيك. في العالم الرقمي اللى بنعيشه النهاردة أصبحت الصورة عنصر في غاية الأهمية. ومعها أصبح مصمم الجرافيك واحد من الفريلانسر المهمين جداً.

بالمناسبة تصميم الجرافيك فيه برضه الكثير من التخصصات. في مثلا تصميم الشعارات. والتصميمات ثلاثية الأبعاد. و الانفوجرافيك…الخ.

ومصمم الجرافيك بيحتاج مهارات فنية وإبداعية علشان يعمل تصميمات جيدة لإرضاء العمل. تصميم الجرافيك واحد من مجالات العمل الحر ذو الطبيعة الخاصة. لأنه يخضع لمعايير الجمال والذوق. والقدرة على اظهار وتوضيح الأفكار بشكل إبداعي علشان تحقق الهدف المطلوب.

اقرأ أيضاً: أفضل دورات تعلم تصميم الجرافيك على منصة يودمي

4. مجال الكتابة (Writing)

مجال الكتابة من مجالات العمل الحر اللي شهدت ازدهاراً كبيراً في الآونة الأخيرة في منطقتنا العربية. وطبعاً ده كان بسبب ازدهار ونمو مواقع الويب العربية وانتشارها الكبير. ومن ناحية أخرى الصحافة الإلكترونية لعبت دوراً كبيراً في نمو مجال الكتابة بطريقة العمل الحر.

العمل الحر في مجال الكتابة بيحتاج شخص مثقف ومبدع بيحب القراءة ودائم الاطلاع وبيسعى دائماً للمعرفة.

والكتابة كمان بتضم تحتها الكثير من التخصصات الفرعية ومنها على سبيل المثال:

كتابة المقال
كتابة الإعلانات
الكتابة التقنية
التحرير
التدقيق اللغوي
تحويل الفيديوهات لنصوص

أيضاً من الممكن تصنيف مجال الكتابة وفقاً للمجال أو التخصص اللي بيتم الكتابة عنه. ففي مجال العمل الحر في متخصصين في الكتابة الطبية. أو التقنية. أو الصحة والجمال. أو السياسة أو الأدب…الخ.

إقرأ أيضاً: كيفية كتابة مقال (مرشد شامل)

5. مجال الترجمة (Translating)

الترجمة تعتبر واحدة من أقدم وأشهر مجالات العمل الحر. كمان الترجمة من المجالات اللي بتحتفظ بمستوى جيد من الطلب في منطقتنا العربية.

تخصصات الترجمة هنا تتوقف على اللغة المترجم منها واللغة المترجم إليها. كمان بتعتمد على موضوع الترجمة. في هناك مترجمين في المجال الطبي. وآخرين في المجال التقني…الخ.

وعلى الرغم من وجود العديد من البرامج والخدمات المتخصصة في اتمام الترجمة بشكل آلي. إلا أن الترجمة البشرية ليها طبيعة خاصة ولا يمكن الاستغناء عنها. لأنها تعتمد على فهم الفكرة ومراعاة الفروق بين الثقافات…الخ.

بصراحة انا عارف انك ممكن تشوف الترجمة مهمة مش بتحتاج الا تحويل النص من لغة لأخرى. في الواقع الترجمة بتحتاج الكثير من المجهود. لأن المترجم المحترف لازم يكون ملم بلغتين بشكل احترافي وملم بثقافة كل لغة فيهم كمان.

6. مجال التسويق الرقمي (Digital Marketing)

التسويق الرقمي واحد من مجالات العمل الحر الرائعة اللى نشطت جداً في السنوات القليلة الماضية. وبينمو ويتطور كل يوم. فهو من المجالات اللى متوقع انها هتستمر في الازدهار والنمو في المستقبل. والموضوع ده راجع لزيادة وعي الكيانات التجارية بأهمية التسويق من خلال الإنترنت.

في الحقيقة مفيش بيزنس له ثقل على أرض الواقع النهاردة إلا ويمتلك قنوات للتسويق الرقمي. وده بالتبعية خلق كم هائل من الفرص للمسوقين الرقميين المستقلين.

بالطبع فيه هناك تخصصات فرعية كتير للتسويق الرقمي ودي قائمة بأهمها:

التسويق على السوشيال ميديا (Social Media Marketing)
تحسين محركات البحث (SEO Marketing)
أبحاث السوق (Market Research)
التسويق عبر البريد الإلكتروني (Email Marketing)
تحليل البيانات (Data analysis)
كتابة الإعلانات التسويقية (Copywriting)
التسويق عبر محركات البحث (Search Engine Marketing)
التسويق بالمحتوى (Content Marketing)
اقرأ أيضاً:

كيف تبدأ في التسويق الرقمي (شرح مبسط للمبتدئين)
أفضل المدونات الأجنبية في التسويق الرقمي (العمالقة الكبار)
أفضل دورات يوديمي في التسويق الرقمي (دليلك الموثوق)
أفضل 11 كورس ديجيتال ماركتنج (دليلك لتعلم التسويق الرقمي)

7. مجال إنشاء وتحرير الفيديوهات (Video Editing)

طبعاً المجال ده بقى مشهور جداً دلوقتي وهو بيختص بكل ما له علاقة بتعديل وإنشاء الفيديوهات. خد بالك من نقطة مهم جداً. مجال الفيديوهات من مجالات العمل الحر المهمة جداً. وخصوصاً بعد التزايد الكبير لمشاهدي الفيديوهات على يوتيوب وفيسبوك والتيك توك وغيرهم.

تقريباً في هناك آلاف الفيديوهات – واعتقد ان الرقم ده متواضع جداً – التي يتم نشرها يومياً على يوتيوب وفيسبوك والتيك توك والمنصات الاخرى. ووراء هذه الفيديوهات هناك حاجة لمستقلين يعملون في مجال تحرير الفيديوهات.

تحرير وإنشاء الفيديوهات من مجالات العمل الحر التي بيحتاج لمجهود وتركيز كتير في الاول علشان يتم اتمام العمل باتقان وجودة. متقلقش برضه هيحتاج مجهود وتركيز اكبر بعد كده بس هتكون انت حبيت الموضوع واتعودت عليه كمان 🙂 .

وكالعادة , مجال تحرير وإنشاء الفيديوهات ينقسم للكثير من المجالات الفرعية زيه زي باقي المجالات الأخرى. مثل:

كتابة السيناريو
تحرير الفيديو
تصميم مقدمات الفيديو
التعليق الصوتي

إقرأ أيضاً:

أفضل برامج صنع وتعديل الفيديوهات (مجانية ومدفوعة)
أفضل تطبيقات تعديل الفيديوهات (مجانية ومدفوعة للأندرويد و IOS)
كيفية تصميم فيديو احترافي (خطوة بخطوة)

8. مجال ادخال البيانات (Data Entry)

طبعاً اي حد عنده خبرة في مجالنا ده . عارف كويس قوي ان مجال ادخال البيانات ده من اقدم مجالات العمل الحر. واللي لا يزال عليها طلب كويس برضه. بس المنافسة عليها من قبل المستقلين كبيرة. وده سببه انها واحدة من مجالات العمل الحر السهلة. واللي ممكن لأي شخص معاه بعض المهارات البسيطة انه ياخد شغل ويعمله بسهولة.

ببساطة صاحب العمل هيبعت بعض البيانات المبعثرة. وانت دورك انك تنظمها وفقاً للخطة اللي يحطها صاحب العمل.

مثال:
صاحب العمل هيبعتلك مجموعة من صور الفواتير. وانت عليك استخراج البيانات منها ووضعها في احد البرامج زي الاكسيل. وبعد كده هتبعت لصاحب العمل مجموعة منظمة من البيانات اللي ممكن يستخدمها بشكل يعود عليه بالنفع.

طبعاً ده مثال بسيط. بس المجال ده من مجالات العمل الحر زيه زي غيره. ينقسم الى تفاصيل وتخصصات. وطبيعة خاصة ومرنة أيضاً.

9. مجال التصوير الفوتوجرافي (Photography)

بالمناسبة يعتبر التصوير برضه من اقدم مجالات العمل الحر. واللى نشطت بشكل كبير مع ظهور الإنترنت. التصوير كمان فيه كثير من التخصصات فهناك مصورين مستقلين متخصصين في تصوير المباني والمنشئات. وفي كمان متخصصين في تصوير الطبيعة. ومتخصصين في تصوير المأكولات..الخ.

الجدير بالذكر أن التصوير من المجالات التي تحتاج لمهارات إبداعية. وهي من المجالات اللي بتدفع بشكل جيد لو تمكنت من أن تصبح مصور محترف وذائع الصيت ومعروف.

اقرأ أيضاً: أهم المجالات المطلوبة في سوق العمل على الإنترنت

طبعاً في النهاية انا عايز اقولك على بعض النقط والنصائح المهمة بخصوص مجالات العمل الحر

1. اختار دايماً مجال العمل الحر اللي تحس ناحيته بالشغف والاهتمام. ايوه ممكن يكون هناك مجالات بتكسب اكتر وافضل. وفي مجالات كمان بتتطلب جامد اكتر من غيرها.

بس عايز تجاوبني بصراحة ايه الفائدة من التخصص في اي شغل مطلوب وأنت مش قادر تقدم فيه حاجة ذات قيمة ومش قادر تنجح فيه.

عايزين نكون واقعيين وانت لازم يكون عندك الحد الأدنى من الاهتمام بالمجال اللي انت عايز تتخصص فيه.

2. في مهن واشغال كتيرة بتتطور مع الوقت لحد ما اصبحت فكرة العمل الحر فيها شيء ممكن. دلوقتي احنا ممكن نشوف صحفي فري لانسر أو سيناريست مستقل.

بل ممكن تتفاجيء لو عرفت أن في دول العالم المتقدم بقى فيه كمان أطباء فري لانسرز (في بعض التخصصات الطبية). ويتوقع خلال كام سنة نشوف منهم في وطننا العربي.

علشان كده انت لازم توسع آفاقك. وتبص لما هو أبعد من مجالات العمل الحر اللي اتكلمنا عنها في المقال ده. ففرص ومجالات العمل الحر كثيرة ومتعددة جداً.

3. كل مجال من مجالات العمل الحر فيه تخصصات فرعية كتير جداً . وعلشان كده لازم عليك أن تكون مركز في تحديد درجة التخصص اللي انت عاوز تشتغل فيها.

لو هتتخصص في تخصص نادر ممكن يكون فيه مخاطرة علشان ممكن متلاقيش عملاء كفاية. بس هيبقى فيه فرصة أنك ميكونش ليك منافسين كتير. والتخصصات المشهورة والسهلة عليها طلب مهول طبعاً. بس برضه في عدد مهول من المنافسين كمان.

وعلشان تحل المشكلة دي لازم تكون متابع لسوق العمل. وعندك علاقات كتير تخليك تعرف تقتنص الفرص.

4. مجالات العمل الحر في حركة تغير دائم ومستمر. وفي مجالات الطلب عليها بيقل بسبب تطور قدرة البرامج والتكنولوجيا الحديثة على انجاز المهام الخاصة بها. وكمان في مجالات جديدة بتظهر باستمرار نتيجة التغير الفكري والتكنولوجي. ودخول أنظمة جديدة للشركات والمشروعات.

يارب اكون ساعدتك في المقال ده انك تعرف اكتر عن العمل الحر ومجالاته وعرفت ازاي تحدد بالظبط انت محتاج ايه وعايز تتخصص في ايه وتابعني علشان تستفيد اكتر وتقدر تعمل شغل من البيت بسهولة
متنساش تنشر الموضوع في اي مكان تكون فيه يمكن نكون سبب في تيسير العمل للناس.
سبحانك الله وبحمدك اشهد الا اله الا انت استغفرك واتوب اليك

close

شارك المقال على ....

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

جدول المحتويات

الكلمات الدليلية
افضل مجالات الفريلانسر (6) افضل مواقع العمل الحر (3) افضل مواقع العمل الحر على الانترنت (3) افكار عمل حر (3) التسجيل في العمل الحر (3) التنمية الاجتماعية العمل الحر (4) العمل الحر (3) العمل الحر اسر منتجه (3) العمل الحر توصيل طلبات (3) العمل الحر عبر الانترنت (4) العمل الحر نفاذ (3) الفريلانس (3) برنامج العمل الحر (3) بطاقة العمل الحر (3) ترك الوظيفة والعمل الحر (3) تسجيل العمل الحر (3) تعريف العمل الحر (3) تعلم الفري لانسر (5) تقديم العمل الحر (3) رخصة العمل الحر (3) رخصه عمل حر (3) رقم العمل الحر (3) ريف العمل الحر (3) شهاده اسر منتجه عمل حر (3) فري لانسر عربي (3) كتابة المحتوى (3) ماهو العمل الحر (3) مجالات freelancer (5) مجالات العمل الحر على الإنترنت (6) مجالات الفريلانس (5) مجالات الفريلانسر (6) مجالات عمل الفري لانسر (6) مستقل للعمل الحر (3) مميزات العمل الحر (3) منصة الاعمال الحرة (3) منصة العمل الحر (3) منصة العمل الحر نفاذ (3) منصة حر (3) مواقع العمل الحر العربية (3) مواقع شغل فري لانسر (3) مواقع فري لانسر عربية (3) مواقع فري لانسر للمبتدئين (3) موقع فري لانسر (3) موقع فري لانسر عربي (3) موقع مستقل للعمل الحر (3)